Në Libi festohet për transferimin historik dhe paqësor të pushtetit pas gati 40 viteve në pushtet të Muamar Gedafit.
Këshilli Kombëtar i Tranzicionit, i cili udhëhoqi rënien e tij, ia kaloi stafetën Asamblesë Kombëtare të zgjedhur nga populli më 7 korrik, që këtej e tutje do të jetë përfaqësuesi legjitim i popullit libian.
Asamblea prej 200 anëtarësh pritet të caktoje kryeministrin e ri, i cili më pas do të zgjedhë anëtarët e qeverisë, miratimin e ligjeve si dhe do ta fusë Libinë në zgjedhjet e plota parlamentare, pas hartimit të Kushtetutës së re, që pritet vitin e ardhshëm.
Megjithatë dhuna nuk ka ndalur plotësisht në Libi, ku vazhdojnë luftimet në disa pjesë të vendit dhe disa grupe militante kanë shumë pushtet.
Top Channel
