Afganistan, rikthehet sulmet e “të infiltruarve”
10/08/2012 09:25
Tentoi të vidhte një argjendari në Shkodër nën kërcënimin e armës, kapet në Spanjë 35-vjeçari. Pritet ekstradimi 03/05 10:54
Tre ushtarë amerikanë u vranë nga një person i armatosur në uniformë afgane në provincën e Helmandit, u raportua ditën premte.
Sipas agjensisë së lajmeve “Reuters”, tre viktimat ishin anëtarë të një grupi të forcave speciale.
Ata u qëlluan në orët e vona të së enjtes, kur u paraqitën në një takim në krahinën e Sanginit.
Kjo është seria e fundit e sulmeve të realizuar nga militantë të infiltruar në policinë apo ushtrinë vendase.
Ditën e martë, një ushtar i NATO-s gjithashtu mbeti i vrarë kur dy “ushtarë afganë” hapën zjarr ndaj tij në lindje të vendit.
Më parë gjatë vitit, kapiteni Feti Vogli u shndërrua në ushtarin e parë shqiptar të rënë në misionin e NATO-s në vendin aziatik, pasi edhe ai u qëllua nga një fondamentalist i veshur si polic afgan.
Top Channel
