Maqedoni, arrestohen 46 prostituta
28/07/2012 22:05
Ndodh në Prishtinë, shoferja përplas me makinë policin që e ndaloi dhe largohet nga vendngjarja 03/05 20:31
Policia maqedonase ka arrestuar 46 vajza të reja nën akuzën e ushtrimit të prostitucionit në një seri hotelesh në perëndim të Maqedonisë.
Lajmin e ka komunikuar për mediat maqedonase vetë ministrja e Brendshme, Gordana Jankulovska, e cila ka dhënë dhe detajet e operacionit.
Sipas ministres, nga 46 vajzat, 22 janë me shtetësi serbe, 9 me shtetësi bullgare, 7 me shtetësi maqedonase, 4 me shtetësi shqiptare, ndërsa të tjerat nga Kosova dhe Mali i Zi.
Sipas Jankulovskës, nga hetimet është zbuluar se ato janë të moshave nga 18 në 24 vjeç dhe nuk ndodheshin në Maqedoni për herë të parë.
Ministrja e Brendshme ka saktësuar se ato punonin në hotele luksoze në lokalitetet e Tetovës, Zherovjanit, Vaksincës dhe Gostivarit dhe në banesat e tyre janë gjetur shuma të mëdha parash.
Jankulovska ka shtuar më tej se, karakteristikë e këtij rasti ishte se vajzat kishin liri të plotë lëvizjeje, pasi kishin pasaporta të rregullta dhe mundësi për të dalë nga zona ku punonin.
Top Channel
