FMN: Eurozona, rrezik për Kinën
25/07/2012 00:00
Spanja thërret ambasadoren e saj në Argjentinë pas debatit të ofendimeve me Milei (fotot) 21/05 16:00
Fondi Monetar Ndërkombëtar paralajmëroi Kinën se kriza financiare e Eurozonës mbetet një ndër rrëziqet më të mëdha të rritjes ekonomike të vendit aziatik.
FMN thotë se vec kësaj, ekonomia kineze po përballet edhe me kërcënimet e brendshme, sidomos me rëniet e shitje-blerjeve në tregjet e brendshme, sidomos në ndërtim. Megjithatë, thotë FMN, Kina ka mjetet e duhura për t’iu përgjigjur ashtu këtij problemi.
Rritja ekonomike e Kinës ra në 3-mujorin e dytë të këtij viti në nivelin më të ulët historik në 3 vitet e fundit. FMN parashikon që për vitin 2012, ekonomia kineze të rritet me 8 përqind, por paralajmëroi se nëse nuk ka një përgjigje të shpejtë për krizën e Eurozonës, kjo përqindje mund të përgjysmohet.
“Rreziku më i madh i jashtëm për Kinën mbetet Eurozona dhe kriza e saj. Bashkimi Europian është partneri kryesor ekonomik i Kinës, e për këtë kriza atje ul kërkesat për mallrat kineze duke rritur stoqet”, thotë FMN.
Top Channel
