Serbi, qeveria e re pa Ministri për Kosovën
17/07/2012 00:00
Ndalohen në Serbi Zv.drejtori i Policisë së Kosovës dhe disa zyrtarë, reagon Ministria Brendshme 17/04 21:46
Në qeverinë e re të Serbisë nuk do të ketë Ministri për Kosovën, por do
të ngrihet vetëm një sektor për problemet në “Kosovë dhe Metohi”.
Kështu shkruan në numrin e sotëm të saj gazeta serbe “Novosti”, sipas të cilës kandidat për drejtimin e këtij sektori është kryetari ilegal i komunës së Mitrovicës, Krstimir Pantiç.
Sipas burimit, sektori i posaçëm do të ketë edhe ekipet e veta që do të punojnë në fusha të ndryshme si arsim, financë, drejtësi, etj.
Vendimi përfundimtar për sektorin do të merret deri në fund të javës, në mbledhjen e Këshillit të Përgjithshëm të Partisë Përparimtare Serbe.
Deri më sot Ministria për Kosovën në qeverinë e Beogradit është drejtuar nga Goran Bogdanoviç, ndërkohë që figura më e spikatur e saj ka qenë sekretari shtetëror në këtë dikaster, Oliver Ivanoviç.
Top Channel
