Kosovë, luftë trafikut të qënieve njerëzore

17/07/2012 23:50

Policia e Kosovës bie në gjurmë të një grupi të fuqishëm njerëzish të krimit të organizuar ndërkufitar, i cili dyshohet se trafikonte njerëz nga shtetet e Azisë dhe Afrikës nëpër Kosovë në drejtim të shteteve perëndimore.

Pre e trafikut me qenie njerëzore kanë rënë edhe shumë kosovarë, bëjnë të ditur burimet policore. Në një hetim i cili është kryer në bashkëpunim me shtetet si Malin e Zi, Hungarinë, Austrinë dhe Zvicrën Policia e Kosovës ka arrestuar nëntë shtetas të saj.
 
Operacioni është zhvilluar në Skënderaj, Mitrovicë, Vushtrri dhe Poduejvë.

Municioni dhe dokumentetet e konfiskuara, sic janë p.sh sigurimet shëndetësore austriake, dëshmojnë se ky rrjet kriminal kishte bazat e veta edhe në shtete perëndimore.

Në mesin e sendeve të konfiskuara janë edhe vulat e institucioneve, si aeroportit, gjykatës, UNMIK-ut etj, cka sipas policisë ka bërë të mundur që trafikimi i qenjeve njerëzore të kryhet me shumë lehtësi.

Ministri i Punëve të Brendshme, Bajram Rexhepi e vlerëson mjaft të rëndësishëm shkatërrimin e rrjeteve kriminale për shkak sepse parandalimi i migrimit ilegal përshpejton procesin e liberalizimit të vizave për qytetarët e Kosovës.

Top Channel