Lohan në pritje të një vëllai ose motre
16/07/2012 17:00
Më shumë se 70 ish-pjesëmarrës të Eurovisionit kërkojnë përjashtimin e Izraelit 07/05 13:20
Lindsay Lohan do të ketë shumë shpejt një vëlla ose motër të vogël, të cilëve mund t’u mësojë këndvështrimet e saj të debatueshme për botën.
Në moshën 26-vjeçare, aktorja problematike ka shumë më tepër gjasa që të jetë një figurë më e ngjashme me nënën se sa me motrën, për të riun që do të vijë në jetë nga martesa e babait të saj, Micheal Lohan, me partneren e tij aktuale, Kate Major.
Një e përditshme rozë në SHBA ishte ajo që raportoi lajmin për vëllain ose motrën në mbërritje të Lohan, ndërsa shtatzania e Major duket se është në tremujorin e parë.
Lindsay është fëmija e parë e 52-vjeçarit Micheal, partnerja aktuale e të cilit është bashkëmoshatare me aktoren, vetëm 28 vjeç.
Lindsay ka një motër 18-vjeçare me gjak të plotë dhe dy vëllezër me gjysmëgjaku, Micheal 25 vjeç dhe Cody, 16 vjeç.
Top Channel
