Freeman: Obama, jo presidenti i parë me ngjyrë
07/07/2012 16:25
“Po përballemi me një luftë hibride”, kryeministri polak: Do të ndërtojmë fortifikata në kufirin lindor 11/05 22:21
“Presidenti i parë me ngjyrë në historinë e Shteteve të Bashkuara duhet ende të zgjidhet. Barack Obama është presidenti i parë me racë të përzierë”.
Kështu ka thënë aktori amerikan me ngjyrë Morgan Freeman, që i ka dhënë një “thikë pas shpine” shefit të Shtëpisë së Bardhë, i cili së fundmi e kishte krahasuar veten e tij me figurën e ekranit.
“Ja se si do të dukem pas katër vjetësh”, tha Obama gjatë një evenimenti, duke treguar një poster të aktorit të madh, që tashmë është mbi 70 vjeç.
Në një intervistë për National Public Radio, ku ka promovuar filmin e tij të ri, Freeman ka folur hapur: “Të mos harrojmë se mamaja e presidentit Obama ishte e bardhë dhe vinte nga Kansasi, zemra e bardhë e klasës së mesme amerikane”.
Megjithatë, më tej aktori i ka cilësuar si “tepër të ashpra” kritikat që i janë bërë presidentit, duke akuzuar republikanët se kanë vetëm një objektiv: “Të çojnë Obamën në shtëpi”.
Top Channel
