Mbi 20 liderë studentorë janë arrestuar në mbarë Birmaninë, në ofensivën më të madhe policore që nga prezantimi i reformave demokratike vitin e kaluar.
Lajmin e bëjnë të ditur aktivistët pro-demokracisë. Studentët janë ndaluar në prag të përkujtimit të shtypjes së lëvizjes studentore 50 vjet më parë.
Rreth 300 persona u mblodhën në Rangun për të shënuar evenimentin, pavarësisht arrestimeve dhe pranisë së shtuar të forcave të policisë.
Korrespondentët e mediave ndërkombëtare deklarojnë se ajo që do të ndodhë më vonë do të tregojë se sa serioze janë reformat për të cilat qeveria e vendit është angazhuar.
Qindra të burgosur politikë janë liruar vitin e kaluar në kuadër të këtyre reformave, të cilat nisën pas ndryshimit të pushtetit nga një regjim ushtarak në civil.
Aktivistët thonë se burgimet e liderëve studentorë janë bërë në lokalitete të ndryshme në mbarë vendin, mes të cilave pesë në Rangun.
Aktivisti Ko Ko Gyi tha se disa nga të burgosurit ishin liruar muajt e fundit si pjesë e një amnestie për të burgosurit politikë. Mes tyre ka pasur edhe disa liderë studentorë.
Top Channel
