Vajza e Mandelës, ambasadore në Argjentinë

Zenani Mandela-Dlamini është vajza e parë e ish-presidentit, e lindur nga martesa me Winnie Madikizela-Mandela.

Buenos Airesi zyrtar reagoi pozitivisht ndaj këtij emërimi, duke thënë se vendosja e saj në Argjentinë rrit rëndësinë e marrëdhënieve dypalëshe.

53-vjeçarja Dlamini ishte ende një fëmijë kur babai i saj u burgos me 27 vjet heqje lirie pasi sfidoi qeverinë e ushëhequr vetëm nga afrikanojugorë të bardhë.

Ajo nuk u lejua që të vizitonte të atin në burg për vite me radhë, deri sa mbushi 16 vjeç. E diplomuar nga Universiteti i Bostonit, Mandela-Dlamini u martua shkurtimisht vite më parë me një princ nga Zvazilandi.

Mandela u shndërrua në presidentin e parë me ngjyrë në Afrikën e Jugut dhe për luftën që udhëhoqi për të drejta të barabarta, ai konsiderohet si një hero kombëtar nga shumë afrikanojugorë.

Fitues i çmimit Nobel për Paqen, 94-vjeçari Mandela është tërhequr nga jeta publike tetë vjet më parë për shkak të problemeve të tij shëndetësore dhe paraqitja e tij e fundit në publik daton në vitin 2010, gjatë Botërorit të Afrikës së Jugut.

Argjentina dhe Afrika e Jugut kanë marrëdhënie të ngushta ekonomike, me një volum tregëtar prej më shumë se 1,5 miliardë eurosh në vit.

Top Channel