Meksikë, humbësi kërkon rinumërim të votave
04/07/2012 08:00
Rritet numri i vendeve që njohin Palestinën, cili shtet iu bashkua listës 04/05 10:20
Andres Manuel Lopez Obrador, i partisë PRD, ka kërkuar një rinumërim të plotë të votave të zgjedhjeve presidenciale në Meksikë.
“Për të mirën e demokracisë dhe të vendit, të gjitha votat duhet të numërohen edhe një herë nga e para”, është shprehur kandidati i cili është i dyti kur janë numëruar 99% e votave deri tani.
Obrador refuzon të pranojë fitoren e Pena Nieto sepse sipas tij janë thyer rregullat zgjedhore. Nieto ka një avantazh prej 6 pikë përqindje ndaj Obrador dhe rezultatet përfundimtare pritet të dalin ditën e sotme.
Edhe në vitin 2006 kur humbi zgjedhjet ndaj Felipe Calderon, Obrador nisi një seri protestash në rrugë që zgjatën disa muaj.
Obrador e akuzon Nieton e PRI-së se ka shpenzuar më shumë se sa lejohet nga buxheti elektoral.
PRI-ja ka qeverisur Meksikën për 71 vite derisa në vitin 2000 humbi zgjedhjet presidenciale.
Top Channel
