Vicente Del Bosque, trajneri i Spanjës, ka analizuar kështu triumfin e skuadrës së tij në finalen e EURO 2012 me rezultatin e thellë 4-0 ndaj Italisë.
“Goli i parë i shpërqendroi, ndërsa i dyti mbylli përfundimisht takimin”, deklaroi tekniku, i cili me kombëtaren spanjolle ka fituar edhe Kupën e Botës në vitin 2010.
I pyetur nga mediat iberike nëse fakti që ka luajtur pa një sulmues të pastër në këtë turne tashmë që kanë fituar i jep të drejtë, Del Bosque u shpreh: “Jo. Thjesht bëmë atë që mendonim se ishte më e mira. Mbase do të fitonim edhe po të luanim me qendërsulmues.”
Ish-trajneri i Real Madrid foli edhe për surprizën e finales, mbrojtësin e majtë Jordi Alba, i cili shënoi golin e dytë të takimit: “Ka qenë i mrekullueshëm në mbrojtje dhe tregoi teknikë të lartë.”
Top Channel
