Fitorja e Italisë, jehona e medias

Sigurisht që për këtë portal informativ protagonisti kryesor është Mario Balotelli për të cilin ka një titull të dedikuar. “Mbrëmje magjike për Balotellin, tani trembet Spanja”. Titulli kryesor i La Stampas është: “Balotelli rrëzon Gjermaninë”.

Edhe për këtë gazetë notat maksimale për lojtarin më të mirë shkojnë për sulmuesin 21-vjecar i cili gjunjëzoi dy herë Nojerin dhe Gjermaninë e Lëv.

Për La Repubblica-n, nuk është vetëm Balotelli ai që mundi Gjermaninë por e gjithë skuadra.  “Dopjeta e Balotellit mund Gjermaninë, Italia në finale”, kështu e ka titulluar shkrimin e saj për këtë supersfidë e përditshmja tjetër Corriere della Sera.

Mërzia e Lëvit dhe lojtarëve gjermanë pas humbjes me Italinë është fotoja kryesore e prestigjozes gjemane Bild e cila shkruan me të mëdhaja: “Ne qajmë!”.
Gjatë kohës që ndeshja ishte 2-0 në favor të italianëve, kjo gazetë me një titull ironik kërkonte ndihmën e Zotit për të bërë mrekullinë. Titulli i saj gjatë këtyre minutave ishte: “A ka ndonjëri numrin e Papës? Tani ne kemi nevojë për ndihmë nga Lart”.  

“Ngrin Ëndrra!”: kështu ka titulluar sportivja gjermane Kicker, e cila kritikon Lëvin për zgjedhjet që bëri në fillim të ndeshjes.  Mediat spanjolle duket se janë friksuar nga loja e përfaqësueses së Prandellit dhe sidomos nga ajo e Balotellit.

Titulli i Marca-s është i qartë dhe i shkurtër: “Italia e Balotellit është e frikshme”.

Top Channel