Në serinë e 11-metërshave ndaj Portugalisë, Sergio Ramos mori përgjegjësinë për të goditur penalltinë e katërt të Spanjës dhe e gjuajti alla-Panenka.
Mbrojtësi shënoi duke i dhënë avantazhin kampionëve të Europës në fuqi. Ai gol, së bashku me gabimin e Bruno Alves, i cili goditi traversën dhe me golin e Frabregas i dhanë Spanjës biletën për në finalen e EURO 2012 që do të luhet në Kiev.
Pas ndeshjes, mbrojtësi i Real Madrid u shpreh: “Doja të merrja përsipër një penallti pasi e humba një ndaj Bayern Munchen dhe njerëzit mendonin se do më mundte presioni. Kisha besim dhe e kisha menduar gjatë gjithë javës një goditje të tillë, por nuk e kisha praktikuar në strëvitje sepse ka pasur kamera në stërvitjet tona.”
Vetëm pak ditë më parë një 11-metërsh të tillë e ekzekutoi edhe Andrea Pirlo në fitoren po me penallti të Italisë ndaj Anglisë në çerekfinale.
Top Channel
