UEFA, akuza ndaj Spanjës dhe Rusisë
26/06/2012 16:55
E KRYER/ Nuk ka më dyshime, Ernest Muçi vihet nën urdhrat e ish-trajnerit të Manchester United 17/01 08:13
UEFA ngriti akuza ndaj Federatës Spanjolle dhe asaj Ruse për sjellje të papërshatshme të tifozerive të tyre gjatë ndeshjeve të Euro 2012.
Sipas një deklarate të UEFA-s, thirrje raciste u realizuan nga tifozët iberikë në ndeshjen e 10 qershorit ndaj Italisë, ndërsa tifozët rusë ofenduan futbollistët me ngjyrë në Republikës Çeke në datën 8 qershor.
Rusia është dënuar edhe më parë në këtë Europian, për përballjet e tifozëve të saj në një betejë urbane me huliganët polakë, për hedhjen e fishekzjarreve dhe shpalosjen e banderolave të paligjshme.
Për këtë arsye, kombëtarja ruse do të nisë fushatën e ardhshme kualifikuese të Europianit me gjashtë pikë më pak.
Nëse akuzat do të vërtetohen, të dy Federatat pritet të përballen me gjoba financiare.
Federata Kroate e Futbollt gjithashtu është ndëshkuar me 100 mijë euro gjobë për korret raciste ndaj Mario Balotellit në ndeshjen e grupit, ndërsa futbollisti danez Nicklas Bendtner u gjobit me pothuajse 120 mijë euro, pasi luajti një ndeshje me pantallona ku afishohej marka e sponsorit.
Top Channel
