Një tjetër avion turk është qëlluar nga forcat siriane ditën e hënë, bëjnë të ditur autoritetet turke.
Turqia zyrtare thotë se Siria ka gjuajtur një prej avionëve të saj që ishte duke marrë pjesë në operacionin e shpëtimit për avionin e rrëzuar nga forcat siriane të premten e kaluar.
Zëvendës/Kryeministri i Turqisë, Bulent Arinc tha se avioni i kërkimit dhe shpëtimit CASA, ishte duke kërkuar për avionin e rrëzuar F-4 Phantom, në momentin që ai u qëllua, megjithatë ai nuk u rrëzua poshtë pas paralajmërimit nga ana turke.
Ai u zotua Siria nuk do të shpëtojë pa u ndëshkuar për këtë gjest, por tha se Turqia nuk ka ndërmend të hapë luftë.
Ditën e martë NATO do të diskutojë rrëzimin e avionit, në një takim të thirrur nga Turqia, që është edhe një shtet anëtar i aleancës.
Top Channel
