Pakistan, talebanët sulmojnë ushtrinë

Sipas njoftimeve të autoriteteve pakistaneze, të paktën 10 ushtarë dhe 15 rebelë kanë gjetur vdekjen si pasojë e luftimeve të ndodhura në provincën Dir në veri-perëndim të vendit.

Por talebanët pretendojnë se viktimat ishin dhjetra ushtarë nga radhët e ushtrisë së Pakistanit dhe mohojnë viktimat në radhët e tyre.

Zëdhënësi i talebanëve në Pakistan, Tehrik-e-Taleban tha se objektivi i sulmit të armatosur ishin forcat e sigurisë dhe se në të ardhmen, këto forma sulmesh do të vijojnë për të ndëshkuar të gjithë ata që u kundërvihen si dhe bashkëpunëtorët e tyre.

Pjesa veri-perëndimore e kufirit mes Pakistanit dhe Afganistanit dhe zonat përreth, në të dyja anët e kufirit, njihet si fortesë e talebanëve. Aktiviteti i tyre prej disa vitesh është shtrirë në Pakistan pas ofensivave dhe bombardimeve të shpeshta të NATO-së në territorin afgan.

Top Channel