Siri, 20 ushtarë të vrarë nga kryengritësit
20/06/2012 18:30
VIDEO/ Serbët djegin flamurin shqiptar në Gjermani 16/06 19:15
20 ushtarë sirianë mbetën të vrarë në një kurth të ngritur nga kryengritësit në veri të qytetit-port të Latakias në Siri, njoftoi të mërkurën Observatori Sirian për të Drejtat e Njeriut.
Sipas të dhënave, luftimet ndodhën në një rajon të quajtur Jalal al-Akrab, në afërsi me kufirin turk.
Megjithatë, thëniet e aktivistëve nuk mund të verifikohen nga mediat ndërkombëtare nga mungesa e aksesit të plotë të tyre në vend.
Latakia ka qenë një rajon relativisht i qetë në luftën civile që zgjat që prej marsit 2011, por situata është përshkallëzuar në muajt e fundit dhe vëzhguesve të OKB-së iu ndalua aksesi në disa krahina.
Si rrjedhojë e kufizimeve dhe përshkallëzimit të konfliktit, misioni vëzhgues i OKB-s u tërhoq nga vendi gjatë javës së shkuar.
Më shumë se 15 mijë persona kanë mbetur të vrarë që prej fillimit të luftës në vendin arab me 22 milionë banorë, për një mesatare tronditëse prej më shumë se një mijë të vrarësh në muaj.
Top Channel
