Një polic jashtë turni në Sllovaki vrau tre pjestarë të një familje rome dhe plagosi dy të tjerë.
Sipas dëshmitarëve pamore, 51-vjeçari udhëtoi me makinën e tij deri në banesën e ndodhur në qytetin e vogël të Hurbanovos dhe atje qëlloi ndaj personave të ndodhur në shtëpi.
Polici i njihte viktimat, por nuk janë qartësuar ende arsyet e kësaj masakre, ndërsa autoritetet refuzojnë të spekulojnë për motive racore.
Efektivi policor u prangos pas vetëm dy orësh rrethim, kohë gjatë së cilës ai kërkoi kolegët e tij se do të vriste veten nëse do të afroheshin.
Hurbanovo është një qytet në luginën e lumit Danub, në të cilën identiteti sllovak, hungarez dhe rom është i përzjerë ngushtësisht.
Rreth 10% e popullsisë prej 5,4 milionë banorë të Sllovakisë i përkasin komunitetit rom dhe në muajin prill, në zgjedhjet parlamentare, një deputet rom fitoi për herë të parë në histori një vend në Parlament.
Top Channel
