Përplasja për çimenton

Diçka e tillë ka prekur tregun e çimentos, duke e dëmtuar më së shumti fabrikën e vetme të prodhimit të çimentos ne Kosoves, “Sharr Cem”.

Në një intervistë për “”Top Channel”, Ministrja e Tregëtisë e quan vendimin si masë të aplikueshme për mbajtjen e tregut nën kontroll dhe ofrimin e mundësive të barabarta për të gjitha ata që duan të jenë prezent në treg.

”Dua të theksoj se kjo masë nuk është marrë vetëm ndaj Shqipërisë, por ka ndërlidhje edhe me produktet që vijnë nga Shqipëria në Kosovë, nga Italia e vende të tjera europiane, jo në proporcion me rrjedhën e tregut të lirë. Prandaj ka një ndërhyrje në treg, kjo është një masë e përkohshme 90-ditore. Nëse vërtetohet që s’ka një praktikë që prish tregun në Kosovë, masa mund të zgjatet, në rast të kundërt mund të vazhdohet më tej”, deklaroi Kusari-Lila.

Sipas ministres, problemi nuk është vetëm te fabrika e prodhimit në Fushë Krujë, por në të njëjtën kohë Shqipëria importon edhe çimenton e prodhuar në Itali.Një grup punues po heton mbi arsyet e importit në sasi të mëdha të çimentos në Kosovë.

Rezultatet e para tregojnë se në Itali dhe Shqipëri ka pasur hiperprodhim të çimentos dhe si rrjedhojë Kosova është parë si treg i volitshëm për shkak të kërkesës në rritje në industrinë e ndërtimit.

Teksa mohon pretendimet se një masë e tillë ngre koston e ndërtimit, ministrja Kusari-Lila shton se kompanitë kosovare të importit kanë manipuluar me faktet, duke e deklaruar çimenton me çmim shumë të ulët në doganë dhe duke e shitur më pas me çmimin e tregut.

”Fitimi që paraqitet në doganë nuk është i njëjtë me atë real. Synimi i kësaj mase nuk është bllokimi, por vetëm sqarimi dhe vendosja nën kontroll e tregut. Në të njëjtën mënyrë monitorohet njëkohësisht edhe çmimi i produktit kosovar, në mënyrë që të mos rritet abuzivisht fitimi i krijuar”.

Sipas ministres Kusari-Lila, masa është parashikuar të jetë në fuqi për tre muaj. Nëse hetimet konstatojnë se nuk ka arsye për ta vazhdimin e saj atëherë shuma e paguar do t’i0u kthehet palëve të dëmtuara.

Vendimi i Ministrisë së Tregtisë është kritikuar nga deputetet e Kuvendit e Kosovës. Dy deputetë, njeri nga koalicioni për Kosovë të Re e tjetri nga PDK-ja, që të dy në bashkëqeverisje me ministren Kusari-Lila kanë thënë se bllokimi i çimentos shqiptare iu shërben interesave të ngushta klanore.

”Privatizimi është bërë në mënyrë të parregullt dhe së fundmi industria jep favorizime që janë në shkelje të drejtëpërdrejhtë të normave të konkurrencës. Ndaj, duhet që Ministria e Tregëtisë të mos përzihet me çështjen, pasi na ngre pyetje për keqpërdorime serioze”, tha deputeti i PDK-së, Shaip Muja.

Të dhënat nga doganat e Kosovës flasin për shumëfishimin e importit të çimentos nga Shqipëria në tri vitet e fundit. Nëse në vitin 2009 ishte importuar 16 702 tonë çimento, në vitin 2011 sasia e importit arrin në 226 847 tonë.

Ndërkaq, pas marrjes së vendimit nga Ministria e Tregtisë, për tre ditët e fundit  pasi u zbatua vendimi për tarifën prej 35%, Shqipëria ka importuar vetëm me datë 11 qershor rreth 70 mijë tonë çimento. Me 12 dhe 13 qershor ka munguar tërësisht importi nga Shqipëria, por ka vazhduar të hyjë çimento nga Greqia, Italia dhe Serbia.

Top Channel