“Tobin Taxâ€, Merkel kërkon mbështetjen e Hollande
11/06/2012 17:00
Suedia mbetet pa qeveri, Andersson tërhiqet pas mbështetjes së së Majtës për rivalin 28/09 12:40
Skema e ngjyrave
Madhësia e shkrimit
Kancelarja gjermane shpreson të marrë përkrahjen nga presidenti francez Francois Hollande për të ashtuquajturën “Tobin Tax”, ose taksa e transaksioneve financiare.
Kështu ka deklaruar zëdhënësi i kancelares gjermane, Steffen Seibert duke saktësuar se Merkel synon të marrë mbështetjen e Hollande gjatë samitit që do të mbahet në Romë më 22 qershor e ku janë të ftuar të kryeministri italian, Mario Monti, përvec kancelares gjermane, edhe presidenti francez Hollande dhe kryeministri spanjoll Rajoy.
Gjermania këmbëngul në adoptimin e taksës së transaksioneve financiare, e cila sipas Berlinit do të disiplinonte sistemin bankar dhe do të rriste kontrollet e qeverive të eurozonës duke i bërë ato më shumë efikase në luftën kundër evazionit fiskal.
“Tobin Tax” i është propozuar më herët edhe ish-presidentit francez, Nicolas Sarkozy. Sarkozy shprehu mbështetjen për këtë taksë, por humbja e tij në zgjedhjet e fundit në Francë përballë socialistit Hollande ka vendosur në pikëpyetje mjaft reforma financiare të miratuara dhe propozuara nga dyshja “Merkozy”.
Top Channel
