SHBA mbron bombardimet në Pakistan

Në një konferencë për shtyp gjatë vizitës në Indinë fqinje me Pakistanin, Panetta bëri të qartë se “SHBA do të vazhdojë të mbrojë veten nga rreziku i terrorizmit kudo që të jetë ai në botë”.

Ditën e martë, Islamabadi zyrtar thirri të ngarkuarin amerikan me punë në ambasadë për të shprehu “shqetësimin e thellë” në lidhje me sulmet e avionëve të telekomanduar.

Gjatë dy javëve të fundit janë realizuar tetë sulme nga avionët e quajtur “dronë”, pavarësisht kërkesave të Pakistanit për ndërprerjen e kësaj praktike, që sipas qeverisë shkel të drejtën e sovranitetit të vendit.

Pakistani gjithashtu pretendon se sulmet e telekomanduara ndikojnë në përforcimin e urrejtjes ndaj amerikanëve në rradhët e popullsisë, në të njëjtën kohë që bëhen burim për humbjen e jetëve të civilëve.

Uashingtoni i mohon këto akuza, duke këmbëngulur se bombardimet përbëjnë një mjet efikas në luftën kundër terrorizmit botëror.

Ndërkohë, Shtëpia e Bardhë, në një deklaratë e konsideroi vdekjen e al-Libit si një goditje tepër të rëndë për Al-Kaedën. “Nuk ka asnjë, që as afërsisht të zëvendësojë atë nivel ekspertize që organizata humbi me vdekjen e numrit të saj dy”, deklaroi një burim zyrtar.

Top Channel