Siria dëbon ambasadorët perëndimorë

Të dërguarit e Shteteve të Bashkuara, Britanisë së Madhe, Francës dhe Turqisë janë mes 17 diplomatëve të shpallur “person non grata”.

Më herët, presidenti Bashar al Assad fajësoi “ndërhyrjen e huaj” për ndarjen e Sirisë dhe për viktimat e regjistruara në masakrat e fundit, ku ka pasur edhe shumë fëmijë.

Ndërkohë, aktivistët deklarojnë se të paktën shtatë persona janë vrarë në aktet e dhunës të verifikuara në mbarë Sirinë ditën e martë.

Katër civilë janë vrarë gjatë natës në një “operacion të madh ushtarak” në Kafrouaid, një fshat në veri të Idlibit, bëri të ditur Observatori për të Drejtat e Njeriut me bazë në Londër.

Trupat dhe militantët pro-regjimit, të mbështetur nga tanke, kanë sulmuar edhe qytetin Kfar Zita në provincën qendrore të Hamas, si dhe kanë vrarë dy luftëtarë rebelë në qytetin-port mesdhetar të Latakias.

Gjithashtu, fshatra të shumë në jug-perëndim të qytetit të Homsit kanë qenë nën bombardimet intensive të ushtrisë, nga të cilat kanë gjetur vdekjen tre persona.

Ndërkohë, OKB ka deklaruar se qeveria siriane ka rënë dakord për të lejuar agjencitë e ndihmave që të hyjnë në katër provincat ku janë regjistruar aktet më të rënda të dhunës.

“Për këtë marrëveshje u ra dakord në Damask me qeverinë e atjeshme. Ajo u nënshkrua”, ka deklaruar John Hug, drejtor i zyrës së OKB për operacionet humanitare.

Top Channel