Egjipt, rikthehen protestat kundër gjyqit të Mubarak
05/06/2012 20:45
“Nuk do të përdoret për të mbështetur terrorizmin”/ Italia premton 35 milionë euro ndihmë për palestinezët 25/05 11:30
Me dhjetëra mijëra egjiptianë u rikthyen në sheshet kryesore të vendit për kryeqytetit Kajro për të protestuar ndaj vendimit të dhënë ndaj ish-presidentit Hosni Mubarak dhe djemve të tij.
Dy kandidatët presidencialë që do të përballen në balotazhin që do të përcaktojë se kush do të jetë presidenti i ardhshëm i vendit, në zgjedhjet që do të zhvillohen më vonë gjatë qershorit, gjithashtu ishin të pranishëm në marshimin paqësor.
84-vjeçari Mubarak dhe Ministri i tij i Brendshëm, Habib al-Adly u dënuan me burgim të përjetshëm për përgjegjësinë e tyre në vrasjen e 860 personave, në protestat që sollën fundin e regjimit 32-vjeçar të Mubarak, në shkurt 2011.
Megjithatë, gjashtë funksionarë të tjerë të lartë, përfshi edhe dy djemtë e diktatorit, u shpallën të pafajshëm për akuzat e korrupsionit dhe të abuzimit me fondet shtetërore.
Që prej shpalljes së vendimit, protestat në sheshin Tahrir, i shndërruar në një simbol i revolucionit anti-Mubarak, kanë qenë pothuajse të përditshme.
Shumë egjiptianë ndihen të revoltuar edhe nga fakti që Mubarak nuk u dënua me vdekje, ashtu siç kishte kërkuar akuza.
Top Channel
