Gjermani, ther gruan në sy të 6 fëmijëve

Orhan Sircasi më pas hipi në çatinë e shtëpisë me kokën e viktimës në njërën dorë dhe një thikë në tjetrën. 32-vjeçari me origjinë turke bëri rezistencë edhe ndaj policisë duke tentuar t’i godasë me thikë e gjithashtu me kokën e prerë të bashkëshortes.

Oficerët e policisë kanë gjetur në apartament trupin e masakruar të gruas së bashku me 6 fëmijë të moshës nga 1-10 vjeç.

“Fëmijët ishin në një gjendje të tmerrshme. Ai i detyroi të shikonin kur po i vriste nënën dhe po e priste në copa”, shprehet një fqinj për ‘Tages Spiegel’.

Ishin fqinjët ata që lajmëruan policinë në orët e para të ditës së hënë kur dëgjuan britma në shtëpinë e Orhan Sircasi.

Fëmijët tashmë janë nën kujdesin e psikiatrit, ndërsa i ati është i akuzuar për vrasje.

Mësohet se 32-vjeçari ka qenë gjithmonë i dhunshëm dhe ka precedentë në polici për zotërim droge. Të martën Orhan Sircasi do të dalë para gjyqit.

Top Channel