Gafa e Obamës indinjon Poloninë
30/05/2012 17:15
Mediat ruse: Moska po planifikon dislokimin e raketave balistike afër kufirit finlandez 27/04 08:10
Presidenti i SHBA-së, Barack Obama, ngjalli një tërbim kombëtar ditën e martë në Poloni, pasi bëri një gafë mbi Holokaustin, gjatë një fjalimi në të cilin vlerësoi heronjtë e Luftës së Dytë Botërore.
Në fjalimin e tij, Obama iu referua “kampeve polake të vdekjes”, pa bërë asnjë referencë ndaj nazistëve.
Shtëpia e Bardhë publikoi një deklaratë korrigjuese pak më pas, por kryeministri i Polonisë, Donald Tusk, protestoi duke e konsideruar këtë gjest të pamjaftueshëm.
Nga selia e qeverisë në Varshavë, ai kërkoi një ndjesë publike nga ana e Presidentit Amerikan.
Në Poloni, një referencë si ajo e Obamës konsiderohet një fyerje kombëtare.
Gjatë Luftës së Dytë Botërore, disa kampe shfarrosje në masë u ndërtuan nga gjermanët në Poloninë e pushtuar.
Më famëkeqi midis tyre është ai i Aushvicit, që së bashku me kampet e tjera polake të Belzekut, Sobiborit apo Treblinkës mbytën në gaz shumicën e gjashtë milionë hebrenjve dhe miliona persona të kombësive të tjera të vrarë nga regjimi i vendosur në Gjermaninë Hitleriane.
Top Channel
