Siri, OKB fshikullon autoritetet dhe rebelët

Në dokument fshikullohen edhe kryengritësit sirianë, pasi ekzistojnë prova të qarta se ushtarët qeveritarë, pasi janë kapur nuk janë trajtuar në përputhje me ligjet për të burgosurit e luftës, por janë torturuar dhe ekzekutuar.

Gjithashtu, OKB ngriti shqetësimi se konflikti po bëhet gjithmonë e më i përgjakshëm dhe më i militarizuar, duke marrë profilin e një lufte civile në pothuajse të gjithë krahinat e vendit.

Sipas Sekretarit të Përgjithshëm të OKB-së, Ban Ki-moon, të paktën 10 mijë persona kanë vdekur në konfliktin që ka nisur në mars 2011.

Raporti në fjalë, i cili përqendrohet në muajt mars, prill dhe pjesërisht maj, përpiluar nga Këshilli i të Drejtave të Njeriut të OKB-së, akuzoi të dyja palët për raste torturash dhe ekzekutimesh të kryerja nga të dyja palët.

“Shumica e shkeljeve të dokumentuara nga Komisioni janë realizuar nga ushtria dhe forcat e sigurisë gjatë aksioneve në vatrat e njohura për strehimin e anëtarëve të rezistencës apo atyre rajoneve të përceptuara thjesht si mbështetës ndaj kryengritësve. Ushtria ka përdorur një sërë taktikash të papranueshme, përfshi bombardimin e rëndë të zonave qytetare”, shkruhej ne raport.

Top Channel