Dokumentet sekrete të Vatikanit

“Vatileaks” dëshmon për korrupsion, keqmenaxhim dhe konflikte të brendshme mes zyrtarëve të Vatikanit. Ai është marrë në pyetje nga gjykatësit e Vatikanit.
 
Media italiane raporton se Gabriele ishte shërbyesi personal i Atit të Shenjtë dhe një prej të paktëve, të përzgjedhurve, që kishte mundësi të hynte në apartamentin privat të Papës. Pas kontrolleve nga Xhandarmëria e Vatikanit në apartamentin e Gabrieles u gjetën dokumente të tjera sekrete. Ai nisi shërbimin pranë Atit të Shenjte në 2006 pasi kishte punuar pranë prefektit të Shtëpisë papnore, monsinjor Xhejms Haruei.

Mes dokumenteve që kanë dalë jashtë mureve të Selisë së Shenjtë përfshihet edhe një letër, që i ka mbërritur Papës nga ambasadori i Vatikanit në Uashington, ku flitet për nepotizëm dhe korrupsion në rradhët e drejtuesve të Vatikanit. Në disa memo, kritikohet kardinali Tarciso Bertone, njeriu i dytë më i rëndësishëm në krah të Papës dhe pagesave të dyshuara nga Banka e Vatikanit.

Ditë më parë, Vatikani kishte cilësuar “si akt kriminal” publikimin e dokumenteve të rezervuara dhe letrave private të Papës në një libër të gazetarit Xhianluixhi Nuci.

Arrestimi i shërbëtorit të Papës është kapitulli i fundit i Vatiliks dhe konflikteve të brendshme në Selinë e Shenjtë duke ndjekur përjashtimin e Presidentit të Bankës së Vatikanit, Etore Goti Tedeski, bankieri e drejtoi këtë institucion, prej vititi 2009, një periudhë relativisht e shkurtër, por e mbushur me tensione.

Top Channel