Rusi, dënohen terroristët që shpërthyen trenin
22/05/2012 15:50
Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Një gjykatë në Rusi dënoi me burgim dhjetë persona, katër prej të cilëve deri në fund të jetës së tyre, për vrasjen e 27 civilëve nëpërmjet vendosjes së një bombe në një tren të shpejtësisë së lartë në nëntor 2009.
130 persona të tjerë mbetën të plagosur pas shpërthimit që preku tre vagonat e fundit të linjës ekspres Moskë-Shën Pjetërburg.
Nëntë prej dhjetë të dënuarve janë anëtarë të të njëjtit fis. Ata u arresuan në banesat e tyre në Republikën e Ingushetisë, e ndodhur në Kaukazin e Veriut dhe e përfshirë nga lëvizjes separatiste si Çeçenia apo Dagestani fqinj.
Katër organizatorët kryesorë, u dënuan me burgim të përjetshëm pasi u shpallën fajtorë për vrasje masive, organizim të sulmeve terroriste dhe trafikun e armëve të paligjshme. Gjashtë bashkëpunëtorët do të qëndrojnë 7-8 vjet në burg, për pjesëmarrjen në këtë sulm terrorist.
Pak ditë pas sulmit të vitit 2009, një grup islamik në Kaukazin e Veriut mori përsipër përgjegjësinë e shpërthimit, duke theksuar se ngjarja u urdhërua nga njeri më i kërkuar në Rusi në atë kohë, lideri islamik Doku Umarov.
Njeriu më i kërkuar në Federatën Ruse, Umarov, është përgjegjës edhe për disa ngjarje të tjera terroriste, përfshi vendosjen e një bombe në janar 2011 në një aeroport në Moskë, duke shkaktuar vdekjen e 36 personave.
Top Channel
