BB, Gerta: Liamin e kam vetëm mik
13/05/2012 14:30
“Pashë Djallin!”, Georgina Rodriguez trondit me deklaratën: Edhe fëmijët e mi… 02/10 07:43
“Liami është një shok shumë i mirë dhe e respektoj atë bashkë me të dashurën e tij. Ai është shumë human dhe prandaj jam afruar me Liamin. Kisha simpati për të si njeri dhe mes nesh nuk kishte asnjë ndjenjë tjetër.”
Kështu është shprehur Gerta, e larguara e radhës nga shtëpia e Big Brother, në emisionin Fan Club, në Top Channel.
Banorja e larguar shpjegoi shkurt edhe arsyen pse vendosi të merrte pjesë në këtë reality-shoë: “Kam dashur të kënaqem unë në radhë të parë kur hyra.”
Dritani: Hyrja me vonesë më penalizoi
Nga ana e tij, Dritani i cili edhe ai u largua nga shtëpia më e famshme në Shqipëri në mbrëmjen e së shtunës, theksoi se fakt që hyri me vonesë e pengoi të shkonte më tej.
“Ishte disavantazh hyrja me vonesë dhe banorët më mbyllën hapësirat. Unë jam i qetë dhe nuk bërtas dot si Ermali sepse nuk e kam në kulturë. Mbase ky ishte një tjetër factor që ndikoi në eliminimin tim”, theksoi Dritani.
Në lidhje me vajzat e shtëpisë, ai u shpreh: “Geri ishte më e rregullta. Kur ishte rrëmujë shtëpia nuk kishte një vajzë që ta rregullonte përveç Gerit. Por duhet të kisha bërtitur pak që të ndryshonin dhe unë nuk e bëra.”
Duke folur për eksperiencën në Big Brother, Dritani e cilësoi si të “paharrueshme”: “Është një eksperiencë e paharrueeshme. Është një ndihmë për të ecur përpara në jetë.”
Top Channel
