Puyol: Rekuperimi është i pamundur
09/05/2012 12:55
Derbi do luhet me tifozë, FSHF “fal” me llogari Tiranën para Partizanit 25/11 16:26
Carles Puyol pranoi se nuk ka asnjë mundësi që të marrë pjesë në kampionatin europian të futbollit që do të zhvillohet në Poloni dhe Ukrainë gjatë verës.
Qendërmbrojtësi i kombëtares spanjolle pësoi një dëmtim në gju dhe në një konferencë për shtyp të mërkurën theksoi: “Është shumë e vështirë që të rekuperohem. Do të pres se çfarë do të bëjnë mjekët, por mendoj se është e pamundur. Do të ketë lojtarë të tjerë në formë që do të më zëvendësojnë. Do të ishte e padrejtë që unë të shkoja në Euro 2012 në formë jo të plotë.”
Kapiteni i Barcelonës bëri të ditur se nuk do të tërhiqet nga kombëtarja edhe pse në moshën 34-vjeçare: “Dua të tërhiqem duke luajtur dhe jo i dëmtuar. Kam 98 ndeshje me kombëtaren dhe do të më pëlqente të arrija shifrën 100.”
“Kam pasur edhe verën e kaluar probleme me gjurin dhe doktorët më thanë që duhet të bëj një pastrim sepse më pengon të stërvitem”, shtoi Puyol.
Top Channel
