Rita Ora sërish Nr.1 në Britani
08/05/2012 02:15
Top Arena/ “Më kërkove të fshija fotot”, ndahen Drini Zeqo dhe Dea Vieri? Moderatori: Ke ndjenja për mua? 30/06 22:45
Rita Ora, këngëtarja nga Londra me origjinë shqiptare, arrin brenda disa muajsh një sukses të ri të jashtëzakonshëm me këngën e re të saj “R.I.P.”.
Ky është suksesi i saj i parë si këngëtare solo. Rita Ora, arrin brenda ditës të spostojë nga vendi i parë këngëtaren me origjinë greke Tulisa, e njohur edhe si anëtare e jurisë në programin mjaft popullor “XFactor” në Britani.
Suksesi i parë i Rita Orës ishte kënga “Hot Right Noë” me DJ Fresh po në vend të parë.
Rita Ora në intervistën e parë dhënë një media televizive shqiptare, përpara një muaji tha për Top-Channel se ajo do të dëshironte të merrte pjesë në finalen e Top Festit. Ajo ka një axhendë mjaft të ngjeshur promovimi, kur vetëm javën e kaluar është kthyer nga Los Anxheles nga studiot e reperit të famshëm JayZ kompania e të cilit “Roc Nation” e ka kontraktuar.
Ajo ka dhënë dje në Londër një shfaqe tjetër, ndërkohë që në verë fillon një turne nëpër Evropë me grupin e njohur Cold Play. Rita Ora po vlerësohet shumë edhe nga media britanike ku tabloidi “The Sun” sot e cilëson si prurjen më të re të muzikës britanike duke e cilësuar atë si versionin britanik të Rihanës.
Top Channel
