UEFA konfirmon Ukrainën
04/05/2012 11:15
VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Drejtori i UEFA-s për Europianin, Martin Kallen, siguroi se nuk do të ketë asnjë hap pas për zhvillimin e turneut të Ukrainës dhe Polonisë, pavarësisht bojkotit politik të shpallur nga shumë vende të BE-së dhe Shqipëria, ndaj Kievit zyrtar.
”Nuk do të ketë asnjë kthim pas. UEFA nuk ka asnjë plan rezervë dhe zëvendësimi i Ukrainës nuk është konsideruar kurrë”, deklaroi Kallen, i cili shtoi se që nga data 11 maj, UEFA do të dërgojë ekspertët e saj në dy vendet organizatore për inspektimin e stadiumeve dhe infrastrukturës pritëse të Europianit.
Pavarësisht trazirave sociale dhe sulmeve me bomba molotov në qytetin e Dniepropetrovkut, Kallen theksoi edhe një herë se “Ukraina është një vend plotësisht i sigurt. Kemi një situatë të ngjashme si ajo e Austrisë dhe Zvicrës”.
Më parë gjatë javës, Kancelarja e Gjermanisë, Angela Merkel, deklaroi se do të bojkotojë aktivitetet në Ukrainë dhe se nuk do të ndjekë atje skuadrën e saj, gjatë Europianit.
Presidenti i Komisionit Europian, Jose Manuel Barroso gjithashtu ka shpallur bojkot ndaj Ukrainës, për shkak të keqtrajtimeve që po pëson në burg liderja e burgosur e opozitës, Yulia Tymoshenko.
Top Channel
