Shumë politikanë europianë deklaruan se do të bojkotojnë “Euro 2012” që
do të zhvillohet në Ukrainë. Reagimi vjen pas publikimit të fotove të
ish-kryeministres Julia Timoshenko, një prej nismetareve të Revolucionit
Portokalli te vitit 2004.
Ajo tregoi shenjat ne trup, deshmi e dhunes së pesuar nga rojet e burgut. 51-vjeçarja eshte denuar me 7 vjet burg, për evazion fiskal. E përjavshmja “Der Spiegel” citon burime qe thonë se kancelarja gjermane, Angela Merkel është e gatshme të anulojë pjesëmarrjen në ndeshjet e Ukrainës, nëse Timoshenko nuk lihet e lire perpara nisjes se Kampionatit Europian. Vendimi i saj vjen pas lutjes së Eugenias, vajzës së politikanes ukrainase, e cila iu drejtua qeverise gjermane me thirrjen: “Shpetoni nënën time. Fati i saj dhe vendit tim janë e njejta gje; nëse ajo vdes edhe demokracia bashkë me të”.
Ministri i Brendshem gjerman Hans Peter Fridrih, njekohesisht edhe minister i Sporteve deklaroje se do ta bojkotoje ndeshjen Gjermani-Holande ne Karkiv, ku ajo mbahet e izoluar. Ministri i Jashtem gjerman u shpreh i shokuar per Timoshenkon, te ciles i eshte mohuar trajtimi i nevojshem mjekesor, ne kundershtim te detyrimeve ligjore dhe morale.
Menaxheri i Bajernit te Mynihut, Uli Hoennes i beri thirrje presidentit te UEFA-s Mishel Platini- duke folur kunder regjimit autoritar ne Ukraine. Per bojkotimin e Euro 2012 foli edhe menaxheri i Borusia Dortmund. Javen e kaluar, presidenti gjerman, Joakim Gauk deklaroi se nuk do te marre pjese ne samitin qe zhvillohet muajin tjeter Ukraine. Vendimi i tij u ndoq edhe nga presidentet e Sllovenise dhe Austrise.
Prej 10 ditësh Timoshenko ka hyre ne greve urie. Ajo vuan nga hernia diskale. Gjyqi ndaj saj u shty me 21 Maj, pas mungesës per arsye shendetesore. Sipas disa vëzhguesve kjo mund te jete shenja e pare e çtendosjes, prapa të cilës fshihen presionet e qeverisë gjermane për ta shtruar në një klinikë në Berlin ish-kryeministren, e cila nuk u beson mjekeve të zgjedhur nga qeveria.
Top Channel
