Egjipt, përcaktohen kandidatët presidencialë
26/04/2012 18:30
Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër 04/05 22:16
Autoritetet egjiptiane konfirmuan të enjten listën e 13 kandidatëve që do të lejohen të marrin pjesë në zgjedhjet presidenciale që do të mbahen në muajin maj, e që do të jenë të parat që prej largimit të presidentit Hosni Mubarak një vit më parë.
Ishin 23 personat që regjistruan emrin e tyre për të marrë pjesë në votime, por dhjetë u eliminuan, midis të cilave edhe një figurë e partisë së Vëllazërisë Muslimane dhe ish-drejtuesi i shërbimeve sekrete gjatë regjimit 32-vjeçar të Mubarak.
Megjithatë, në listë ndodhet ish-kryeministri Ahmed Shafiq, i cili u përjashtua fillimisht, për t’u rikthyer në listë pas apelit.
Midis kandidatëve kryesore që do të garojnë për postin e kreut të Egjiptit, përfshihet një kandidat i mbështetur nga dy partitë islamike më të mëdha në vend, Mohammed Mursi dhe ish-drejtuesi i Ligës Arabe e një mbështetës i një shteti laik, Amr Moussa.
Sipas ekspertëve, kjo është një garë shumë e paqartë, pa platforma të përcaktuara qartë, por që mbetet vendimtare për të ardhmen e Egjiptit dhe 85 milion banorëve të tij, sidomos për barazpeshat e reja që duhen gjetur ndërmjet shtetit dhe fesë.
Top Channel
