Hungari, hapet rruga për huanë madhore nga BE
25/04/2012 16:00
Kroaci, partia konservatore në pushtet fiton shumicën në zgjedhje, por nuk mund të qeverisë e vetme 18/04 07:12
Hungaria ra dakord që të tërheqë ligjin e shumëkritikuar nga Bashkimi Europian për cënimin e pavarësisë së Bankës Qëndrore të vendit, informoi të mërkurën një zëdhënës i Komisionit Europian.
Ky lëshim i Budapestit zyrtar i hap tashmë rrugë bisedave për marrjen e një kredie madhore prej 15-20 miliardë eurosh nga BE, për të rigjeneruar ekonominë hungareze, të dëmtuar rëndë nga kriza ekonomike dhe inflacioni galopant.
Aktualisht, Hungaria është duke u përballur me probleme të mëdha, përsa i përket kostos gjithmonë e më të shtrenjtë të huamarrjes dhe rënies së vazhdueshme të fuqisë blerëse e nivelit të jetesës në vend.
Si rrjedhojë e disa politikave konfliktuale, mes të cilave ligji për pavarësinë e Bankës Qëndore dhe një tjetër që sillte censurën e mediave, qeveria e kryeministrit Viktor Orban është vendosur në qendër të sulmeve të ashpra nga ana e Bashkimit Europian.
Megjithatë, partia “Fidesz” e Orbanit fitoi mbi 2/3 e votave në zgjedhjet e 2010-s dhe kanë në dorë shumicë e majftueshme për të bërë ndryshime të njëanshme kushtetuese.
Si rrjedhojë e tërheqjes nga planet për ndryshimin e ligjit mbi Bankën e Hungarisë, kostoja 10-vjeçarje e huamarrjes pësoi një rënie të menjëhershme, nga niveli i 9%, në 8,1%.
Top Channel
