Siri, diplomaci e grave për të zgjidhur krizën

Në këtë video të hedhur në rrjet ditën e hënë, Presidenti Sirian dhe e shoqja  morën pjesë në paketimin e ndihmave për banorët e larguar nga Homs-i. Videot amatore tregojnë të mërkurën bombardimet në lagjen Al-Kalidhija, të këtij qyteti.

Kjo është njëra anë e medaljes. Ana tjetër jeta luksoze e çiftit presidencial. A ka vend për stil kur Siria po gjunjëzohet nga dhembja?

Bashkëshortet e ambasadorëve të Britanisë së Madhe dhe Gjermanisë në Organizatën e Kombeve të Bashkuara i drejtohen përmes një letre Asma al-Assadit, që t’i kërkojë të shoqit të ndaloje gjakderdhjen.  

Huberta Von Witting, gruaja e ambasadorit gjerman në OKB, Peter Witting dhe Sheila Lioll e ambasadorit britanik Mark Lioll, përmes nje letre i apelojnë Asma al-Assadit të ngrejë zërin….

Në videon që zgjat 4 minuta u kërkohet shikuesve të firmosin një peticion për Asmën, e lindur dhe shkolluar në Britani, për të shpetuar popullin.

Huberta dhe Sheila janë të mendimit se Zonja e Parë e Sirisë nuk duhet të fshihet pas bashkëshortit.

Video nis me një foto, ku Asma shfaqet me syzet e saj të shtrenjta dhe nga një grua që mban një foshnje në krah, e rrethuar nga shumë fëmijë të tjerë?

Në letrën dërguar bashkëshortes së Al-Assad, mund të lexohej: “Një ditë, femijet tanë do të na pyesin çfarë bëmë për të ndaluar këtë gjakderdhje. Cila do të jetë përgjigjia juaj Asma”?

Asma Al Asad, një ish-bankiere është përpjekur të ruaje imazhin e një gruaje serioze e të frymëzuar nga vlerat perëndimore. Përballë heshtjes, më indinjuese ishin shpenzimet e saj për sende luksi, një skandal i publikuar fillimisht në “The Guardian”.

Ndërkohë, Bashkimi Europian i ka ndaluar asaj që të udhëtojë dhe të realizojë blerje në Europë. Me 14 prill, Këshilli i Sigurimit miratoi me unanimitet autorizimin e një ekipi prej 30 vezhguesish të mbikqyrin armëpushimin e hyrë në fuqi prej një jave në vendin arab.

Top Channel