Brazil, lirohen pengjet e burgut

Rreth 400 të burgosur në Arakaju filluan një revoltë gjatë fundjavës të armatosur me thika dhe tre pushkë të vjedhura nga dhoma e armëve e rojeve.

Ata akuzonin rojet për keqtrajtim dhe kërkonin kushte më të mira, si dhe më shumë respekt për vizitoret femra. Autoritetet deklaruan se pengjet u liruan të palënduar, pasi u premtuan të burgosurve se do të hetonin ankesat e tyre.

Negociatat mes të dënuarve dhe policisë zgjatën 24 orë. Në përfundim, pesë liderët e rebelimit u transferuan në një burg tjetër.

Tre nga pengjet ishin gardianë, ndërsa të tjerët të afërm të të burgosurve që po i vizitonin ata, moment kur dhe filloi kryengritja.

Fillimisht u raportua për 130 persona të marrë peng, 28 prej të cilëve u liruan të hënën. Mbi 150 oficerë policie u dërguan në burgun në Sergipe për të vënë nën kontroll situatën.

Sekretari për Sigurinë Publike në shtetin e Sergipes, Joao Eloy deklaroi se shumica e kërkesave të bëra nga të burgosurit mund të trajtohen vetëm në gjykatë.

Nga ana tjetër, ai theksoi se kërkesa e tyre për shkarkimin e guvernatorit të burgjeve është e papranueshme.

Të burgosurit akuzojnë rojet se kanë kryer abuzime dhe kanë deklaruar se do t’u japin autoriteteve lokale një listë me emrat e tyre. Ata janë ankuar gjithashtu se pre e abuzimeve kanë rënë edhe vizitorët.

Top Channel