Policia franceze ndaloi të hënën dy të dyshuar si autorët e katër vrasjeve të ngjashme në periferinë e Parisit, ngjarje që besohen se janë vepër e një vrasësi në seri.
Viktima e parë u regjistrua në nëntor, ndërsa e katërta, një nënë 48-vjeçare, u ekzekutua në një mënyrë pothuajse identike në 5 prill.
Hetuesit bënë me dije se e njëjta pistoletë gjysmë-automatike është përdorur në të katërta këto vrasje, në lagjen Essonne, por arma ende nuk është zbuluar.
Megjithatë, një motoçikletë në pronësinë e një prej të dyshuarve është sekuestruar në cilësinë e provës mariale, pasi i përgjigjet përshkrimit të një dëshmitari pamor të një vrasjeje.
Policia nuk ka konfirmuar ende se është arrestuar vrasësi i vërtetë në seri, por ka përjashtuar çdo lidhje midis ngjarjeve të ndodhura në Tuluzë një muaj më par, kur Mohamed Merah, një islamist ekstremist, i motivuar nga ndienja raciste, vrau shtatë persona.
Në ngjarjet e ndodhura në periferinë pariziene, vrasësi është laguar gjithmonë me një motoçikletë pasi ka qëlluar viktimat e tij të përzgjedhura, në dukje, në mënyrë rastësore.
Top Channel
