Kosovë, fermerët kundër qeverisë
14/04/2012 00:00
Serbia “s`ka nga lëviz më”, tani është zyrtare: “Ohri”, pjesë e procesit të dialogut me Kosovën
24/04 15:32
Sërish ka përplasje mes Ministrisë së Bujqësisë dhe Federatës së Bujqëve të Kosovës. Kjo e fundit të shtunën grisi memorandumin e bashkëpunimit me Ministrinë e Bujqësisë me arsyetimin se nuk po e respekton atë.
Nga ana tjetër në Ministrinë e Bujqësisë bëjnë të ditur se nuk do t’i kompensohen humbjet e shkaktuara nga mosshitja e patateve.
Por në fakt as Ministria e Bujqësisë nuk është e interesuar të bashkëpunojë më me sindikatën të cilën e përfaqëson Tahiri. Duke folur për mediat zyrtarët e kësaj ministrie thonë se Tahir Tahiri nuk i përfaqëson fermerët kosovarë si dhe të anëtarësuar në shoqatë janë vetëm 60 fermerë.
Por duket se edhe Ministria e Bujqësisë nuk i ka punët mirë me fermerët sepse kur pyetet për bashkëpunimin me ta, sërish akuzon sindikatën se i ka izoluar ata.
Duke folur për pataten e cila nuk është shitur për shkak të çmimit të lartë nga doganat shqiptare, Behramaj tha se fermerët kanë edhe dy muaj kohë për eksportin dhe shitjen e patateve. Nga ana tjetër Federata e Sindikatës së Bujqëve paralajmeroi se do zhvillojë edhe një protestë, por nuk do të lajmërojë policinë sepse policia sipas FSBK pengon protestën e tyre.
Top Channel
