Gjermani, aksident hekurudhor, viktima
13/04/2012 11:40
Tarifat nga SHBA, Meksika pritet të zbulojë “planin B” për masat ndaj Amerikës 02/02 22:56
Të paktën tre persona mbetën të vrarë dhe 13 të tjerë u plagosën si rrjedhojë e një aksidenti hekurudhor, të ndodhur pranë qytetit gjerman të Ofenbahut, mëngjesin e së premtes.
Treni, i cili po udhëtonte nga Frankfurti për në Hanau, kishte në bordin e tij 35 udhëtarë në momentin e aksidentit.
Incidenti ndodhi për shkak të prezencës në shina të një ekskavatori të përdorur nga punonjësit e mirëmbajtjes së hekurudhës.
Makanisti i trenit dhe dy punonjësit mbetën të vrarë në vend, ndërsa sipas mediave gjermane, shtatë pasagjerë janë shoqëruar në një spital në gjendje të rëndë.
Nuk është ende e qartë se cili është përgjegjës për aksidentin e ndodhur me rreth 100 kilometra në orë shpejtësi. Punonjësit e mirëmbajtjes duhet të kishin përfunduar punën e tyre gjatë natës, por në çdo rast prezenca e tyre në shina duhet të ishte raportuar.
Top Channel
