Koreja e Veriut, me raketa dhe pa bukë

Por ndersa vendi komunist perpiqet te demonstroje permes ketij gjesti fuqine e vet teknologjike, uria po behet gjithmone e me gerryese ne shtetin e varfer e te izoluar, me nje popullsi qe pershkruhet si “letargjike” per shkak te kequshqyerjes.

David Austin, i organizates Mercy Corps ishte ne nje jetimore ne veri vetem dy jave me pare. Ai thote se hera e fundit kur femijet atje kishin marre proteina, ishte në muajin janar, kur kishin ngrënë vezë.

“Në ate jetimore mesuam se femijet jo vetem qe nuk kishin nje ushqim te balancuar, por po marrin vetem gjysmen e energjive qe u nevojiten nje te mituri. Kequshqyerja ka prekur nje brez te tere, eshte akute dhe po i le keta femije me probleme fizike”, thotë David Austin.
 
Planet e Shteteve te Bashkuara per te terhequr mbprasht ngarkesen masive te ndihmes ne ushqime si pasoje e insistimit te Penianit për leshimin e raketes, e rendojne akoma me shume kete situate.

Koreja e Veriut këmbëngul se raketa eshte e nevojshme per hedhjen e nje sateliti te motit ne hapesire, ndersa ëashingtoni dhe Seuli jane te bindur se behet fjale per nje test balistik. Te tilla leshime, vendit komunist i ndalohen nga rezolutat e keshillit te sigurimit te OKB-se. Ne Shtepine e Bardhe, ndihmesit e Barak Obames thone se presidenti i ka duart e lidhura pas ketij njoftimi te Penianit, qe erdhi vetem pak jave nga arritja e marreveshjes se ushqimit.

Megjithate, shume zera e vene ne dyshim qasjen e Uashingtonit, dhe thone se pyetja e vertete qe mund te ngrihet ne kete rast eshte: a duhet te lidhet asistenca humanitare, nga e cila perfitojne njerez te pafajshem, me programin berthamor te menaxhuar nga lideret e shtetit komunist.

Kore, forcohet pushteti i Kim Jong un

Liderit të ri i Koresë së Veriut, Kim Jong un i janë dhënë edhe dy poste që më parë mbaheshin nga babai i tij. Mediat shtetërore raportuan se Kimi i ri është emëruar kryetar i Komisionit Qendror Ushtarak të partisë dhe anëtar i byrosë politike.

Njoftimi vjen pasi Koreja e Veriut mbajti një konferencë të rrallë partiake ku pritej që Kim Jong un-it t’i transferohej më shumë pushtet. Gjatë këtij takimi, partia në pushtet promovoi liderin e ri si sekretar të parë dhe babain e tij të ndjerë si sekretar të përgjithshëm në përjetësi.

Ndërkohë, Parlamenti i Penianit do të mblidhet të premten për avancimin e proçesit të kalimit të pushtetit tek Kim Jong un, pas vdekjes së të atit në dhjetor të vitit të kaluar.

Ndërsa ditën e diel, Koreja e Veriut do të festojë 100-vjetorin e lindjes së themeluesit të vendit, Kim Il sung, gjyshi i Kimit të ri, duke mbajtur një seri ceremonish masive.

Top Channel