Çeki, goditet rrjeti ballkanas i duhanit
10/04/2012 00:00
Projektligji për Gjykatën Speciale dërgohet në Qeveri, 120 pako dorëzohen pas protestës në Prishtinë 01/10 19:02
Skema e ngjyrave
Madhësia e shkrimit
Policia çeke ka shkatërruar një rrjet të kontrabandës së duhanit të
përbërë nga shtetas çekë dhe maqedonas, që e lëviznin lëndën nga vendi
ballkanas në atë të BE-së.
Sipas agjencisë së lajmeve “INA”, operacioni u krye nga njësia e posaçme kundër krimit të organizuar në policinë çeke, e cila arriti të zbadhë edhe skemën e kontrabandës.
Sipas burimit, policia zbuloi se grupi kriminal kishte kontrabanduar mbi 4 milionë cigare dhe 30 tonelata duhan nga Maqedonia në Republikën Çeke.
Kontrabanda e duhanit realizohej në mënyrë që cigaret të evidentoheshin si pako për nevojat humanitare të ushtarëve të KFOR-it.
“Pas disa muajsh hetime është zbuluar rrjeti dhe janë ndaluar anëtarët e tij, shtetas nga Maqedonia dhe Çekia. Këta persona kanë qenë pjesë e një grupi të organizuar që do të përgjigjet edhe për fshehje tatimesh dhe krim të organizuar”, deklaroi zëdhënësi i policisë çeke, Jaroslav Ibehej.
Zyrtari saktësoi se organizata kriminale ka dëmtuar buxhetin e Republikës Çeke me rreth 2 milionë euro dhe shtoi se anëtarët e saj pritet të dënohen me nga 10 vjet burg.
Top Channel
