Moska: Burgosja e Bout në SHBA, një skandal

Në një deklaratë, Kremlini e konsideroi dënimin si “politik”, ndërsa theksoi se nga qëndrimi i mëtejshëm i Uashingtonit ndaj kësaj çështje do të varet në masë të madhe raporti midis dy shteteve.

Bout u shpall fajtor dhe u dënua nga një gjykatë e Nju Jorkut për tentativën e shitjes së armëve të rënda për disa rebelë kolumbianë, të cilët synonin që nëpërmjet këtyre armëve të sulmonin pilotët amerikanë.

Ish-oficer i Ushtrisë Sovjetike, i cili sipas akuzës është përfshirë në trafikimin e armëve që prej vitit 1990, këmbëngul se është i pafajshëm. Besohet se Moska mund të kërkojë ekstradimin e tij, në mënyrë që ta lejojë të vuajë dënimin ën Rusi.

Bout, një shtetas rus, u dënua të enjten pas arrestimit të tij në Bangkok, pas një operacionit gjatë së cilit agjentë nën mbulim amerikanë u hoqën si rebelë kolumbianë që kërkonin armë të rënda për të luftuar për mbrojtjen e biznesit të tyre të drogës.

Avokatët mbrojtës të 45-vjeçarit kanë apeluar ndaj dënimit. Sipas mediave amerikane, ai vepron për llogari të interesave të Shtetit Rus, por Bout ka hedhur poshtë çdo pohim të tillë.

Top Channel