Zgjedhjet SHBA, Romney fiton në tre shtete
04/04/2012 08:00
SHBA e Britania, sanksione Iranit! Penalizohen individë e kompanitë që prodhojnë motorët e dronave 19/04 12:18
Mit Romni ka bërë tripletë në zgjedhjet primare të republikanëve. Pasi ka “pushtuar” Uashingtonin dhe Merilendin, Romni ka fituar edhe në Uiskonsin.
Ish-guvernatori i Masaçusets ka thelluar kështu edhe më shumë avantazhin përsa i përket delegatëve nga kundërshtari i tij Rik Santorum. Romni është gjithmonë e më shumë pranë arritjes së 1144 delegatëve, numër që siguron matematikisht nominimin për në Shtëpinë e Bardhë.
Me këto tre fitore Romni ka arritur kuotën e 600 delegatëve dhe me shumë mundësi do të jetë ai kundërshtari i Obamës më 6 nëntor.
”Kemi fituar kudo, është një mbrëmje e madhe. Fatkeqësisht për Amerikën, Obama mendon se po bën një punë të mirë, por nuk është aspak kështu. Ai kërkon ta shndërrojë vendin tonë në një shoqëri të bazuar në rolin e qeverisë së tij. Ne duam të kthejmë Amerikën në një vend mundësish dhe lirie ekonomike. Obama thotë se e dashuron ekonominë, por urren biznesin”, theksoi Romni në një fjalim të mbajtur në Miluoki.
Ndërsa Santorum deklaroi se nuk është dorëzuar ende: “Jemi në pjesën e parë të ndeshjes. Shumë njerëz duhet të votojnë ende.”
Top Channel
