Schwarzenegger dhe DeVito, sërish “binjakë”

Tani këta dy aktorë do të bashkohen sërish për të sjellë pjesën e dytë të filmit, por kësaj here do të gjejnë edhe një vëlla tjetër që nuk i ngjan aspak. Ky pjesëtar i ri i familjes do të interpretohet nga aktori me ngjyrë Eddie Murphy.

Sipas mediave amerikane, regjizori i filmit të dytë dhe skenaristi nuk janë vendosur ende ndërsa regjizori i filmit të parë Ivan Reitman do të jetë producent.

Filmi “Twins” tregon historinë e dy binjakëve që nuk ngjajnë aspak me njëri-tjetrin dhe që ndahen në lindje. Ata ishin rezultat i një eksperimenti sekret të dështuar në një laborator ku kërkohej “prodhimi” i fëmijës perfekt duke përdorur spermën e 6 meshkujve.

Julius Benedict (Arnold Schwarzenegger) niset në kërkim të vëllait Vincent (Danny DeVito), i cili nuk ka marrë asnjë nga genet e mira.

Filmi ka grumbulluar 216 milionë dollarë në mbarë botën.

Top Channel