Philippe Coutinho, mesfushori i Interit që aktualisht është i huazuar tek Espanyol, nuk dëshiron të kthehet tek zikaltërit pas përfundimit të periudhës së huazimit (30 qershor 2012).
Braziliani është shprehur për ‘AS’: “Në Spanjë kam më shumë mundësi të luaj. Nuk e di kush kampionat i përshtatet më shumë lojës që bëj unë. Koha do e tregojë nëse luaj më mirë në Itali apo Spanjë. Tek Interi kalova një sezon të vështirë dhe tek Espanyol janë sjellë shumë mirë me mua që në ditën e parë.”
Coutinho theksoi se objektivi i tij me klubin katalanas është hyrja në Ligën e Kampioneve: “Skuadra ka objektiv vendin e katërt edhe pse jemi paksa larg. Duam të marrim maksimumin nga ndeshjet e mbetura.”
Espanyol renditet në vendin e shtatë të renditjes së kampionatit spanjoll, 7 pikë larg Malagës që pozicionohet në vend të katërt. Ndeshja e radhës për Espanyol është ndaj Villarreal në transfertë, të dielën në orën 21.30.
Top Channel
