Rikthehet lufta mes “dy Sudanëveâ€
26/03/2012 22:40
Ndodhej pranë brigjeve të Venezuelës, SHBA-të sekuestrojnë anije në ujërat ndërkombëtare 21/12 00:57
Rikthehen luftimet në kufirin mes Sudanit dhe Sudanit të Jugut, luftime që burimet zyrtare nga të dyja vendet, raportojnë se janë më të ashprat që nga shpallja e pavarësisë së Sudanit të Jugut.
Sudani i Jugut shpalli pavarësinë nga pjesa tjetër e Sudanit në korrik të vitit të kaluar pas një lufte civile të gjatë e të përgjakëshme. Pavarësia u arrit pas një marrëveshje me ndërmjetësimin e ndërkombëtarëve mes luftëtarëve të atij që quhet sot shteti i Sudanit të Jugut dhe pjesës tjetër të Sudanit.
Në rajon pushuan luftimet e u vendos paqja. Por tetë muaj më vonë, dy vendet kanë disa çështje ende të pazgjidhura mes tyre, ku më e rëndësishmja është vija kufitare në një zonë të pasur me naftë.
Luftimet kanë nisur në këtë rajon, ku të dyja palët pretendojnë sovranitetin. Sudani i Jugut njoftoi se forcat ajrore të Sudanit bombarduan zonën, ndërsa trupat e tij përparuan duke marrë nën kontroll fushën naftëmbajtëse të Heglig-it.
Diplomatët ndërkombëtarë në të dyja vendet apeluan për vetpërmbajtje, pushimin e menjëhershëm të luftimeve dhe rikthimit në tavolinën e bisedimeve.
Top Channel
Ndodhej pranë brigjeve të Venezuelës, SHBA-të sekuestrojnë anije në ujërat ndërkombëtare 
