Presidenti Barack Obama ka emëruar akademikun amerikan me origjinë koreane Jim Yong Kim për presidentin e ardhshëm të Bankës Botërore.
Emërimi i presidentit të Dartmouth College, doktor dhe ish-drejtor i departamentit të HIV/Aids në Organizatën Botërore të Shëndetësisë, përbën një surprizë të vërtetë.
Tre vende afrikane kanë miratuar ndërkohë emërimin e ministrit nigerian të Financave, Ngozi Okonjo Iëeala për këtë post.
Një shtetas amerikan ka drejtuar Bankën Botërore që nga themelimi i saj në vitin 1944, por vendet në zhvillim deklarojnë se është koha për ndryshim.
Pavarësisht presioneve në rritje, presidenti Obama e vuri theksin tek eksperienca ndërkombëtare e zotit Kim në deklaratën për shtyp ku njoftonte emërimin e tij.
“Është koha për një zhvillim profesional për të drejtuar agjencinë lider të zhvillimit botëror”, tha Obama në deklaratë.
“Historia personale e Jim është një shembull për diversitetin e madh të vendit tonë dhe eksperienca e tij globale e bën atë një person të përshtatshëm për të gjitha vendet e botës”, thuhet më tej në deklaratë.
Afati për emërimet për të zëvendësuar presidentin aktual të Bankës Botërore, Robert Zoellick është në orën 18:00 me orën e Uashingtonit dhe 22:00 me orën evropiane të së premtes.
Top Channel
