Zemërimi izraelit vazhdon

Nuk ka krahasim mes vrasjeve në Tuluzë dhe vdekjeve të të miturve në Gaza, tha kryeministri izraelit, nuk mund të heqësh paralele mes tyre, është e pakuptimtë.

“Ajo që më zemëron në mënyrë të vecantë është krahasimi mes shënjestrimit të fëmijëve për vrasje, përfshirë asgjësimin e një vajze, me aktivitetet mbrojtëse të forcave izraelite që kanë për objektiv goditjen e terroristëve, të cilët fëmijët i përdorin si mburoja njerëzore”, tha Benjamin Netaniahu.

12 orë pas nisjes së atij që mediat e përshkruajnë si sherr diplomatik, zyrtarët publikuan trasnkriptimin e ri të fjalimit të zonjës Ashton, që përmendte edhe problemet e izraelitëve në Sderot, qyteti kufitar i goditur sistematikisht nga raketat palestineze.

Nuk është e qartë nëse sqarimi i bërë nga zyra e përfaqësueses së lartë të BE-së për politikën e jashtme do të mjaftojë për të fashitur zemërimin izraelit ndaj komenteve që për Tel Avivin patën peshë të rëndë morale.

Nga sa pretendon Baronesha Ashton, gjithshka ka qënë një keqinterpretim i fjalëve të saj nga ana e agjensive të shtypit. Kjo nuk e ndaloi megjithatë zvkryeministrin izraelit Moshe Yaalon të deklaronte në radion izraelite se fjalët e kryediplomates europiane nuk demonstrojnë gjë tjetër vecse injorancë.

Top Channel